ചേർത്തല: കർമലീത്ത സഭയുടെ എറണാകുളം സെന്റ് തെരേസാസ് അടക്കമുള്ള കോൺവന്റുകളിലും സ്കൂളുകളിലും ദീർഘകാലം സേവനമനുഷ്ഠിച്ച ഒറ്റമശേരി സ്വദേശിയായ സിസ്റ്റർ കാർമലിൻ പാണ്ട്യാലയ്ക്കലിന്റെ ഓർമയ്ക്കായി രൂപീകരിച്ച ഫൗണ്ടേഷന്റെ പ്രവർത്തനങ്ങൾക്കു തുടക്കമായി. ഒറ്റമശേരി പള്ളി പാരീഷ് ഹാളിൽ നടന്ന സമ്മേളനം ആലപ്പുഴ ബിഷപ് ഡോ. ജയിംസ് റാഫേൽ ആനാപറമ്പിൽ ഉദ്ഘാടനം ചെയ്തു. ഫാ. അലൻ ലെസ്ലി അധ്യക്ഷത വഹിച്ചു.
പി. പ്രസാദ് എംഎൽഎ, എ.ഡി. തോമസ് എംഎൽഎ, ജില്ലാ പഞ്ചായത്തംഗങ്ങളായ എസ്. രാധാകൃഷ്ണൻ, ജയിംസ് ചിങ്കുതറ, സന്ധ്യ ബെന്നി, കടക്കരപള്ളി പഞ്ചായത്ത് പ്രസിഡന്റ് റാണി ജോർജ്, ഫാ. നെൽസൺ തൈപ്പറമ്പിൽ, നടൻ ബൈജു എഴുപുന്ന, ഫാ. തോമസ് ചുള്ളിക്കൽ, പി.ഡി. ഗഗാറിൻ, ജയൻ കമലദളം, പി.ആർ. കുഞ്ഞച്ചൻ, സജി വടക്കുംമുറി, ആലീസ് ടി. പ്രസാദ്, സിബി കെ. തോമസ്, ഫാ. ജൂഡ് ജോസഫ്, ബിജു കുഞ്ഞപ്പൻ, പി.ഐ. ഹാരീസ് എന്നിവർ പ്രസംഗിച്ചു. പ്രതിഭകളായ കുട്ടികൾക്കുള്ള പുരസ്കാരങ്ങളും ജോസ് പനയ്ക്കൽ മെമ്മോറിയൽ എൻഡോവ്മെന്റുകളും ചികിത്സാസഹായവും വിതരണം ചെയ്തു.
E-paper LOGIN
LOGIN
